Back إدوارد جيمس روي Arabic ادوارد جيمس روى ARZ Эдвард Джэймс Рой Byelorussian Edward J. Roye German Edward James Roye English Edward James Roye Spanish Edward James Roye Basque Edward James Roye Finnish Edward James Roye French ედუარდ ჯეიმზ როი Georgian
Edward James Roye (3 a viz C'hwevrer 1815 - 11 a viz C'hwevrer 1872) a oa ur politikour eus Liberia, bet prezidant ar vro.
Ganet e oa bet e Newark (Ohio, Stadoù-Unanet). Dre ma oa pinvidik e dad, perc'hennet gantañ douaroù en Indiana hag en Illinois, e c'hellas Roye mont d'ober studioù uhel. Divroañ a reas da Liberia e 1846 hag ober kenwerzh eno.
Dilennet e voe da brezidant e 1869. Pa grogas gant e garg d'an 3 a viz Genver 1870 e oa ar vro en un enkadenn ekonomikel. Mont a reas Roye da Londrez evit ober amprestoù a-benn seveniñ ur programm sevel hentoù ha skolioù en e vro. Digreskiñ a reas an ezporzhiañ produioù abalamour da gevezerezh broioù all er c'henderc'hiñ kafe pe sukr. Dibosupl e voe da Liberia resteurel an arc'hant d'ar bankoù saoz ha tizhet e voe ar vro gant ar resediñ.
Tennet e voe e garg digantañ d'ar 26 a viz Here 1871. Ur marv trumm a gavas d'an 11 pe d'an 12 a viz C'hwevrer 1872 : pe e voe lazhet, pe e veuzas.
